Oppskrifter viltmat DVD

Baconrullade av hjort

Baconrullade av hjort

Handlelista til 6 personer:
9 halvstore poteter, 15 stk medium sjampinjonger, maizenna express, 18 cherrytomater med stilk,
2 pakker flate sukkererter, tyttebærsyltetøy, blåskimmelost, soltørka tomater, sjalottløk, 3 pakker tynne store baconskiver.

-Skjer ut stjernepotetene og kok dei møyre i ca 20 minutter, steik dei så vidare i omnen på 220 grader til dei er gylne brune.
Kan med fordel leggja på ein smørklatt oppå potetene mens dei er i steikomnen.
-Stua sopp: Steik soppen i panna med olje eller smør. Ha på mjølk og litt fløyte til du dekker soppen.
Tjukna med maizenna express. Salt og pepar.

-Cherrytomater: Legg dei i ildfast form med litt olje og salt/pepar over, steik i omnen i 5 min på 220 grader.
-Sukkererter: Steik dei i olje eller smør i 1/2 minutt
-Baconrullade: Legg ut skiver av bacon, legg på kjøtt i ca 2 x 2 cm, sjalottløk, ein terning blåskimmelost, soltørka tomat og rull det godt inn i bacon, ta ei ny skiva bacon og rull den andre vegen. Pakk det så tett så muleg. Brun den godt i steikepanna og steik i omnen på 220 grader i 20 minutter. Kvil minst 5 minutter før servering

 

Elgfilet

Elgfilet

Biff av elg
Servert med steikt sopp, rosenkål og bacon
bakt søtpotetbåter, rødbeter og krema kvitløksaus

Handleliste

 Saus: Fløyte, h-mjølk, smør, sjalottløk og kinesisk kvitløk

Indrefilet av elg: 200 g per pers

Søtpotet: Søtpotet, rapsolje, salt og pepar

Tilbehøyr: Rødbeter, rosenkål, sopp og bacon
Framgangsmåte

 Saus: Steik sjalottløk og kvitløk i kjelen. Ha på fløyte og h-mjølk. Kok opp og rør inn terningar av godt smør. 2 delar veske og 1 del smør. Tjukna med maizenna express.

 Indrefilet av elg: Romtemperert kjøtt, brun i steikepanna på begge sider. Steik biffane periodevis i steikomnen. 5 minutt i omnen og 5 minutt til kviling i 3 omganger. Snu kjøttet når du tek det ut til kviling. Ta eit snitt i kjøttet etter siste kviling og sjå om det treng litt lenger tid i omnen. Kjøttet kan steikast ferdig medium ein halvtime før gjestene kjem. Da kan du kjapt lune dei i omnen igjen før servering.

 Søtpotet: Skjer potet i båter. Ha over litt rapsolje, salt og pepar. Vend dette godt saman. Steik i ca 25 minutt på 220 grader. Dei er ferdige når ein kviv glir lett inn i poteten.

 Rødbetar: Skjer dei i små terningar og forkok dei i 3 minuttar. Avkjøl i isvatn.

Da treng dei kun å lett steikast i litt smør før servering.

 Rosenkål og bacon. Sprøsteik små baconbitar og steik rosenkålen i smør i eit halvt minutt.

 

Rypebryst

Rypebryst

Rypebryst
Servert med røstipotet, asparges,
glaserte gulrøtter og rødvinsaus

Handlelista:
 Rypa:  1 rypa per person

 Røstipotet: Kokfaste poteter, smør, potetmjøl og egg

 Saus: Raudvin, brune sukkerbitar, sjalottløk, og godt smør

 Grønnsaker: Asparges og gulrøtter


Røstipotet: Rasp potet med rivjern. Bland inn smelta smør, potetmjøl, egg, salt og pepar. Brun små kaker på steikepanna og

steik vidare i omnen i ca 20 min på ca 220 grader.

 Raudvinsaus: Steik sjalottløk blank i kjelen, hell på raudvin og nokre brune sukkerbitar. Kok dette helt inn til det tjuknar. Rør inn kalde terningar av godt smør. Har du salta smør treng du ikkje meir salt, kun papar. (Skulle sausen skilja seg, kok opp litt fløyte og hell i den skilde sausen i tynn stråle. Det må heile tiden koka og piskast godt til sausen er fin igjen.)

 Rypebryst: Steik i panna med skinnsida først i 3 sekund. Snu å steik på 1 minutt på kvar sida. Klaffen på eine sida bør brettast ut å steikast halvt minutt ekstra. Sett panna til sides og legg brysta opp mot kanten slik at dei held seg lune til servering. Etter dei har kvilt litt kan ein gjera eit lite snitt i dei for å sjå om dei er ferdige. Er dei fortsatt litt rå kan ein steika dei eit par minutt til i steikomnen.

 Asparges: Forkok aspargesen i 1 minutt, avkjøl den etterpå i isvatn. Da treng den kun 1 minutt på steikepanna i litt smør rett før servering.

 Gulrot: Forkok i 2 min, avkjøl etterpå i isvatn. Steik gulrøttene rett før servering i litt smør og dryss på sukker heilt til slutt og la dei bli blanke i panna.

 

 

Viltburger

Viltburger

Vilthamburgar med ost & bacon

Handlelista

 Burgar:

Kverna viltkjøtt med ca 10 % svinespekk  ( 150 gram per pers), buljong, potetmjøl, viltkrydder, egg, h-mjølk og løk

Grove hamburgerbrød

Reven ost og bacon

Coleslow: Gulrot, kål, majones og sitronsaft

Grønt: Crispisalat, tomat, agurk, raudløk og paprika


Grov kjøttfarse:

Ha over potetmjøl, buljong, viltkrydder, salt, pepar, løk, egg og mjølka. Bland dette godt saman med sleiv eller kjøkkenmaskin. Får farsen stå ein halv time i kjøleskap er den lettare å jobba med etterpå. Lag til 200 grams kaker og press dei mellom to lokk som er lett spraya med formfett. Brun på begge sider og legg på ost og bacon. Steik i omnen i ca 15 minutt på 220 grader.

 Coleslow: Rasp gulrot på rivjern og finkutt kålen. Bland inn majones, salt, pepar og sitronsaft.

 

Tiurbryst

Tiurbryst
surra inn med spinat, sjalottløk og seranoskinka
Servert med blåbærsaus, sopp, løk og asparges.
Bakt potet med urtesmør

Handlelista:
Seranoskinka, tiur, spinat, sjalottløk, asparges, sopp, løk, blåbær, buljong, setersmør,
perlesukker, bakepotet, urter.

-Legg spinat og sjalottløk på seranoskinka og pakk det bruna tiurbrysten godt inn. Brun det på panna igjen med skøyten ned.
Steikast i omnen på 220 grader i ca.12 minutter
-Blåbærsaus; Steik litt finhakka sjalottløk, ha på blåbær, perlesukker og litt buljong  og kok det inn til sirup. Rør inn smørteringer av godt smør, pass på at det er god varme mens du rører inn smøret. Sil sausen og sett det til sides på svak varme, må ikkje koke etter montering av smør.
-Bakepotet; Kok poteta møyr, pakk den inn i folie, snitt eit stort kryss i poteta og press potetmassen litt opp av folien.
Ha på litt urtesmør; Smør, oregano, basilikum, kvitløk og timian.
- Steik sopp, løk  og asparges i godt smør
Steik i omnen i 15 minutter på 220 grader

Hjort med couscos

Grillspyd av hjort med couscous

Handlelista:
Hjort,sopp,rosenkål,bacon,plommer,sukker,gost smør, tørka tranebær, couscous og ruccula salat.

-Tre på kjøttstykker av hjort, rosenkål, steikt bacon, sopp og glaserte plommer på spydet. Brun spyda i steikepanna og steik i omnen på 220 grader i ca 10 min.
-Glaserte plommer; Steik dei i smør og ha sukker over, dei er ferdige når dei har ein gyllen farge, tek ca 1-2 min på steikepanna.
-Couscous, framgansmåte står på pakken. Bland inn steikt sopp, løk og tørka tranebær i couscousen når den er ferdig.
-Server med ruccolasalat

Haregryta:
Servert med potetpure, bakt bifftomat og brokkoli

Handlelista:
1 hare (held til  6 -7 personar)

Gryta: Sølvløk, raudvin, sjalottløk, purreløk, sopp, brunost, tyttebær, creme fraiche, buljong og maizenna express

Potetpure: Poteter, usalta smør, h-mjølk, fløyte, salt og pepar

Grønnsaker: Bifftomat og brokkoli

Framgangsmåte:

Brun harekjøtt i panna og hell på raudvin til du dekkar kjøtet. Når kjøtet er kokt møyrt har ein i brunost, tyttebær, buljong, sølvløk og fløyte. Kok opp og tjukna med maizenna. Ha i steikt sopp, sjalottløk, purreløk og creme fraiche til slutt. Balsamico cream eller sukkerkulør kan ein og ha i for å få fin lysebrun farge på sausen.

Potetpure: Skrell poteter og kok dei møyre. Sil av vatnet og ha på fløyte,usalta smør og h-mjølk. Kok opp og stapp det saman til ein fin potetpure. Ha på salt i stappa rett før servering for å unngå at stappa blir seig i konsistensen.

Brokkoli: Forkok i 3 minutt og avkjøl i isvatn. Varmast opp i smørvatn i 1 minutt rett før servering.

Bifftomat: Skjerast i to og bakast ca 10 minutt i omnen på ca 220 grader.

 

Grava reinsdyr

Grava reinsdyrfilet
Servert med marinert salat, tyttebærrømme og raudløk

Handlelista;

Viltkjøtt: flatbiff, lårtunge, flatstykkje eller filet kan nyttast

Salt, sukker, einebær, purreløk og gulrot

Tyttebærrømme:  Seterømme eller creme fraiche og tyttebærsyltetøy

Tilbehøyr: Crispisalat, olje, basilikum, persille og sitronsaft

 

Framgangsmåte:

Dekk  ei form med 50/50 med salt og sukker. Finhakka gulrot og purreløk.

Hugs å vask purreløken godt, den har mykje sand og jord i seg.

Legg på kjøttet og dekk kjøttet på same måte som du dekka botnen av forma.

Ha og på litt malt pepar og knuste einebær.

Kjøttet bør snuast 2 ganger om dagen og liggje under lett press i 3-5 dager alt etter tjukkelse på kjøttet. Når kjøttet har fått ein fint mørkt rødt snitt igjennom heile kjøttet er det ferdigt i laken. Så bør kjøttet kvila i kjøleskap i 3-4 dager uten lake for at salt/sukkeret skal fordela seg godt igjennom heile kjøttet.

Når du skjer opp kjøttet er det lettare om kjøttet er halvfrossent, da får du lettare skåre tynne fine skjever.

 

Tyttebærrømme: Bland saman 2/3 delar rømme og 1/3 tyttebær. Litt salt og pepar. Rør forsiktig slik at rømmen ikkje blir rennande.

 

Urteolje: Køyr saman rapsolje, basilikum, persille, sitronsaft, salt og pepar med stavmiksar eller blendar. Legg dette fint over salaten før servering.
Finnbiffgryte

Joars finnbiffgryta

Handlelista

Gryta:200 gram viltskav per pers, creme fraiche, tyttebær, brunost, buljong, fløyte, maizenna express, viltkrydder, løk, purreløk og sopp.

Ris og frisk salat
Framgangsmåte

Finnbiffgryta: Steik sopp,løk og purreløk. Sett grønnsakene til sides og steik finnbiffen. Ha i fløyte, tyttebær, brunost, buljong, viltkrydder og creme fraiche i lag med finnbiffen. Kok opp og tjukna med maizenna express. Og ha så i grønnsakene til slutt.

Ris: Kok opp vatn med litt smør. Når det kokar legg du i risen og la det stå på svak varme under lokk. Vanleg kokeris tek  ca 25 min.

Anrett retteren med ein frisk salat.

 

Tiurbryst

Tiurbryst
Servert med steikt sopp, løk og spinat.
fløytegratinerte poteter og krema viltsaus

Handlelista

Viltsaus: Kraft frå viltbein, fløyte, tyttebær, sjalottløk, brunost, maizenna express, buljong, viltkrydder, creme fraiche og sukkerkulør.

Fløytepotet: potet, h-mjølk, fløyte, maizenna express og reven ost

Tiur: 1 voksen tiur held til 4-5 personar

Grønnsaker: Spinat, sopp og løk

 

Framgangsmåte:

Viltsaus: Kok opp viltkraft, tilsett tyttebær, brunost, buljong og fløyte. Tjukna med maizenna express og smak til med viltkrydder og creme fraiche. Ha i litt sukkerkulør til slutt for å få fin lys brunfarge på sausen.

Tiur: Brun brysta på kvar sida. Start alltid med 3 sekund på skinnsida. For så å bruna halvt minutt på kvar sida. Periodesteik brysta på ca 220 grader i omnen. Det vil seie 5 min inn i omnen og 5 min ute til kviling i 3 perioder. Snu brysta når du tek dei ut av omnen. Etter 15 min tilsaman i omnen skal dei vera omtrent ferdige. Ein kan ta eit lite snitt i brysta etter brysta har kvilt for å sjå om dei treng litt lenger tid i omnen.

Fløytegratinerte poteter: Skrell og kok poteter ferdige. Avkjøl og skjer dei i skjever. Ha på salt og pepar over potetene.

Saus til fløytepoteter: Steik sjalottløk, hell på h-mjølk og fløyte, kok opp og tjukna med maizenna express. Salt og pepar. Og hell det over potetene i ildfast form. Strø på reven ost og steik i omnen i ca 15 min på 220 grader til osten er gyllen brun.

Grønnsaker: Steik sopp og løk i panna til dei har fått ein fin lys brun farge. Spinaten steikast i varm panne i berre 3-4 sekundar.

 

 

 

 

 

Legg att eit svar

Du kan bruka desse HTML-knaggane og eigenskapane: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>